Deseño de tendas en liña en Vigo

O comercio de Vigo compite en dous frontes: contra os centros comerciais e as grandes cadeas na rúa, e contra os marketplaces en internet. Unha tenda en liña propia é a forma de que o teu cliente de Vigo che compre tamén un domingo á noite, e de que alguén de Ourense, Madrid ou Lisboa descubra a túa marca sen pasar polo teu local.

Galicia ten ademais tradición de marcas que nacen pequenas e venden lonxe: moda, cosmética, produto gourmet, conservas. E Vigo é un nodo loxístico de primeira orde, con porto e autoestradas cara a Portugal e a meseta, así que enviar desde aquí non é unha desvantaxe.

O que adoita fallar non é a tecnoloxía senón a operativa: fichas de produto sen coidar, gastos de envío que aparecen ao final e asustan, stock que non cadra coa tenda física. Deseñamos a tenda pensando nestes puntos antes que nos efectos.

Action Development é unha axencia con oficina en Vigo que monta tendas en Shopify e tamén as programa á medida, así que a recomendación sae do teu catálogo e non do que nos conveña vender. O deseño, a montaxe da tenda e a formación para xestionala fainos o mesmo equipo.

Estas son as tendas Shopify que fixemos. Canelita, o comercio de Redondela, ten o seu catálogo e o seu checkout optimizados e un canle de venda propio ademais da tenda física. Koopey, a marca de moda, leva un catálogo á altura da marca e un checkout rápido. Cachadas lanzou a súa venda en liña sobre Shopify. E Cliché é o punto intermedio: unha tenda con fronte propio conectado a Shopify, cun checkout rápido e un catálogo preparado para medrar.

Nun proxecto Shopify ocupámonos de todo o que hai entre o catálogo e o primeiro pedido: tema á medida, pasarela de pagamento, envíos, impostos, carga ou migración de produtos e formación para que o teu equipo dea de alta produtos e xestione pedidos e devolucións por conta propia.

Shopify gaña cando vendes produtos físicos con variantes normais (tamaño, cor), prezos fixos e envíos estándar. Pagas unha cota mensual á plataforma, pero a cambio non mantés servidores e tes un ecosistema enorme de aplicacións.

O desenvolvemento á medida gaña cando o modelo de venda non encaixa nese molde: prezos por cliente ou por volume, produtos configurables, venda de accesos dixitais, lanzamentos con moita xente comprando á vez ou unha experiencia de marca que o modelo limita. Custa máis ao principio e, a cambio, non dependes do que a plataforma permita.

Existe un punto intermedio: Shopify como motor de pedidos e pagamentos cun fronte propio por riba. Valorámolo cando a marca pide máis do que un tema permite, pero a operativa é estándar.

As variables que máis pesan son a plataforma (Shopify ou desenvolvemento propio), o número de produtos e variantes, se hai que migrar un catálogo existente, as integracións co teu programa de xestión ou o teu operador loxístico e canto deseño á medida necesita a marca.

Ten en conta tamén os custos recorrentes, que non son noso pero existen: a cota de Shopify e as súas aplicacións, as comisións da pasarela de pagamento e o aloxamento se a tenda é propia. Poñémosllos por escrito na proposta para que compares con datos.